Заемите може да бидат:
- Индивидуални заеми за сопствениците на станови
- Заеми за Заедници на сопственици, Управители и специјализирани компании (градежни компании и компании за менување на балконски прозори и врати).
- Хабитат заеми за енергетска ефикасност преку штедилница Можности и микрокредитна фондација Хоризонти.
Обем на финансирање
- Револвинг фонд од 900.000 УСД
- Период на финансирање: 3 години за кредити за прозорци, врати; до 7 години за фасада
- Финансиски услови: 3-6% каматна стапка, субвенција од општините за фасада 30% (2 општини покриваа 100% од трошоците за фасада, но таа практика веќе не постои)
- Просечен износ на заемот: 2.000 €
- Други придобивки од имплементацијата на механизмот за финансирање: Обезбедување субвенција од општинскиот буџет за енергетска надградба на станбени згради, мотивирање на микро-финансиските институции да развиваат и нудат заеми на ранливите групи и на сопствениците на куќи во руралните области.
Детали
Револвинг фондот е основан во 2009 година и се користи преку пет различни финансиски модели: директни заеми на сопствениците на куќи; со општински субвенции; за заедници на сопственици на станови; на специјализирани компании (градежна компанија); преку микро-финансиските институции. Кредитите за енергетска ефикасност за индивидуални куќи се распределуваат преку две партнерски микро-финансиски институции: Можности и Хоризонти. Главната цел е да се развијат одржливи финансиски модели и збир на активности за да им се помогне на македонските домаќинства кои живеат во станбени згради да ја намалат својата ранливост од зголемување на цените на енергијата и да го намалат загадувањето на воздухот. Преку овие активности беа развиени шест финансиски модели кои ги поддржуваат домаќинствата да ја намалат потрошувачката на енергија за 20-40%. Програмата понуди заеми на здруженија на станари, развивајќи го првиот таков производ како предуслов за подобрување на енергетската ефикасностзголемување на енергетската ефикасност како резултат на технолошки промени, промени во однесувањето и/или економски промени More во станбени згради. Партнерските микро-финансиски институции развија и испорачуваат кредитни производи за индивидуални куќи, покривајќи ги ранливите групи и руралните области. До сега по оваа програма, постигнати се годишни намалувања на емисиите на CO2 за 3.670 тони и годишна заштеда на енергија од 7.910MWh.
Финансирањето во станбените згради се одвива вообичаено на следниот начин:
- Промовирање на финансиска можност за надградба на енергетската ефикасност кај сопствениците на станови,
- Олеснување на процесот на обезбедување согласност меѓу сопствениците на станови за започнување со реновирање на станбените згради,
- Нудење заеми на сопствениците на станови/здруженија на станари и испитување на кредитната способност (ако заемите одат директно преку Хабитат Македонија) или нивно поврзување со микро-финансиски партнери,
- Обезбедување заеми за надградба на енергетската ефикасност за сопствениците на станови кои користат различни финансиски модели,
- Следење на отплатата на заемот и доградба за енергетска ефикасност, обезбедување технички совети за сопствениците на куќи кога е потребно.
Во овој документ е објаснет пристапот, постапката и условите за спроведување на програма за ЕЕ во станбени згради со субвенција од општина.
Повеќе информации: http://www.habitat.org.mk/
