Поставувањето на соларни панели, термални пумпи, односно користењето на обновливи извори на енергија во домовите има бројни придобивки за сите чинители во процесот на обезбедување и потрошувачка на енергија:

• За корисниците – домаќинства или бизниси – се намалуваат месечните трошоци за електрична енергија, се зголемува одржливоста и вредноста на објектот, се намалува зависноста од тоа дали има доволно струја за греење или ладење.
• За енергетските компании – се намалува притисокот врз енергетската мрежа и потребата од скап увоз на електрична енергија.
• За националните власти – колку повеќе домаќинства и бизниси сами произведуваат електрична енергија од обновливи извори, толку повеќе грижата за обезбедување на енергија се намалува, се намалуваат давачките за увоз, се стимулира одржливоста и заштитата на животната средина.

Потенцијал за заштеда

Обновливите извори на енергија имаат голем потенцијал да ги намалат сметките за електрична енергија, да ја намалат енергетската сиромаштија, па дури и да придонесат за намалување на нееднаквоста во приходите. Во оваа насока важно е сите да имаат пристап до технологиите за искористување на обновливите извори на енергија и да можат сами да произведуваат барем дел од енергијата и можат да учествуваат на пазарот на електрична енергија.

Инвестирањето во соларни панели на покривите на станбените згради и куќите може да даде значаен придонес за намалување на трошоците, не само за електрична енергија, туку и за топлинска енергијаманифестација на енергија како топлина содржана во носителот на енергијата (цврста, течна или гасна состојба), a се пренесува при постоење на разлика на температурата More при користење на топлински пумпи или соларни термални пумпи.

Многу ефикасен начин за модернизација на системот за греење и добивање на енергија за зградата е да се користи комбинирана топлинска пумпа поврзана со фотоволтаичен систем и да се интегрира при реновирање на зградата. Ова може да заштеди до 60% од годишните трошоци за греење и топла вода, во споредба со конвенционалната практика за реновирање без промена на системите за греење.

Просументи

Просументиндивидуа која и троши и произведува. Терминот е кованица на зборовите производител и консумент - потрошувач More (prosumer) е термин кој означува ентитет кој може да троши и произведува енергија Терминот е кованица на зборовите производител (producer) и консумент (consumer) – потрошувачфизичко или правно лице кое набавува енергија за сопствена финална употреба More. Термините просументиндивидуа која и троши и произведува. Терминот е кованица на зборовите производител и консумент - потрошувач More и просумзија беа воведени во 1980 година од американскиот футурист Алвин Тофлер, а денес со технолошкиот напредок и порастот на учеството на корисниците во производството се почесто се користи.

Кога станува збор за електричната енергија – тоа се корисници, потрошувачи кои истовремено ја користат и произведуваат енергијата – вообичаено од обновливи извори како сонце, геотермална енергија или ветер.

Вообичаено е просументите да „трошат“ само дел од електричната енергија што ја произведуваат и да го продаваат вишокот енергија на јавната дистрибутивна мрежа. Но, кога нивното производство на енергија опаѓа, тие купуваат и струја од мрежата, што ги прави и производители и потрошувачи.

Финансирање на технологии со обновливи извори на енергија

Иако почетната инвестиција во инсталација на системи за греење, ладење, топла вода кои работат на обновливи извори на енергија е значајна, долгорочните ефекти и релативно брзиот поврат на инвестицијата ги прават атрактивни за домаќинствата.

Кредитните линии и субвенциите за зголемување на енергетската ефикасност во домовите, генерално се однесуваат и на купување и вградување на технологии за користење на обновливи извори. Погледнете повеќе информации во делот Финансирање.