Хабитат Македонија за енергетска ефикасност

Здружението за хумано домување Хабитат Македонија е невладина организација дел од Habtat for Humanity International, посветена на обезбедување едноставни, пристојни и достапни домови за лицата со ниски приходи, без разлика на нивната етничка, полова и верска припадност. Од почетокот на своето работење од 2005 година, Хабитат Македонија поддржа повеќе од 10.000 семејства во обезбедување на подобри услови за домување.

Здружението за хумано домување Хабитат Македонија  е организација која развива широка соработка со сите релевантни чинители во областа домување, како што се микро-финансиските институции, граѓанските организации, централните и локалните власти, меѓународни организации, развојни агенции и донатори, амбасади, деловниот сектор и други поединци, научни и образовни организации и институции, и активно се приклучува кон бројни проекти и иницијативи кои имаат за цел да го подобрат квалитетот на домување на најранливите категории на граѓани, како основа за општата благосостојба и поддршка во социјалната и економска инклузија.

Хабитат Македонија повеќе од една деценија работи на прашањето на подобрување на енергетската ефикасностзголемување на енергетската ефикасност како резултат на технолошки промени, промени во однесувањето и/или економски промени More во домувањето. Првите активности во оваа насока се преземаат уште од 2009 година, во обезбедување на управување и финансиска поддршка за намалување на губитокот на енергијата преку енергетска реконструкција на фасадите, промена на надворешните прозорци и врати и/или санација на покривите. Особено е важно во овој контекст да се спомене учеството на Хабитат Македонија во обезбедување на финансиски модели за да им овозможи на граѓаните и заедниците на станари во станбените згради да можат ја подобрат својата енергетска ефикасност, како и соработка со општините за обезбедување на субвенции. Во оваа насока организацијата се грижи и залага за заживување на Законот за домување и комплетирање на законската рамка, како и за воспоставување отворен дијалог за подобрување на квалитетот на домувањето во Македонија.

Хабитат Македонија се стреми да ги подобри условите на живот на семејствата со ниски приходи и пошироката заедница преку промоција, примена и почитување на основните вредности како што се: посветеност, почитување, интегритет и активно вклучување на граѓаните.

За повеќе информации за Хабитат Македонија посетете ја веб страницата www.habitat.org.mk