Законодавство

Национално законодавство

Законот за енергетска ефикасност беше усвоен во февруари 2020 година. Притоа, се настојува националното законодавство да се усогласи со релевантните регулативи за енергетска ефикасност на Европската унија. Спроведувањето на Законот за Енергетска ефикасност е под директна надлежност на Министерството за економија и Агенцијата за енергетика.

Законот за енергетска ефикасност ги вклучува следните елементи:

  • Регулирање на енергетските ревизори, така што во иднина енергетските контроли ќе ги вршат соодветно обучени и овластени ревизори релевантни за секој пазар.
  • Воведување на обврски за енергетска ефикасност во преносот, дистрибуцијата и снабдувањето со енергија.
  • Овозможување имплементација на долгорочни договори за енергетски услуги од страна на давателите на енергетски услуги. Ова законско решение ги прецизира одредбите и моделот на договори кои овозможуваат реализација на проекти за подобрување на енергетската ефикасност, како за реконструкција на згради, така и за други инвестиции во енергетска опрема и инсталации. Воведување на барања за информации и ознака која ја означува класата на енергетска ефикасност и еко-дизајнот на енергетски ефикасните производи кои се нудат на државните пазари.
  • Формирање на Фонд за енергетска ефикасност како независно правно лице. Средствата ќе се користат за финансирање на проекти и мерки за енергетска ефикасност, по примерот на земјите од Европската Унија, каде што фондовите за енергетска ефикасност постојат долго време и успешно помагаат во развојот на енергетските услуги и воопшто подобрување на енергетската ефикасност. Со техничка помош од Светска банка очекуваме наскоро да започне подготовката на анализите. Неговата крајна цел е формирање Фонд за енергетска ефикасност кој во почетниот период ќе обезбеди финансирање на кредитни линии преку Македонската банка за поддршка на развојот наменети за реконструкција на јавни згради и потоа во согласност со ефективни решенија и финансиски механизми кои ја поддржуваат домашната економија и граѓаните преку креирање иновативни решенија. Очекуваме фондот да стапи на сила во втората половина на 2023 година. Имајќи предвид дека се обезбедени првични средства за негово формирање, како заем од Светска банка.

Детални информации за АНАЛИЗА НА ПРАВНАТА РАМКА ЗА ЕЛЕКТРОЕНЕРГЕТСКИОТ СЕКТОР ВО РЕПУБЛИКА СЕВЕРНА МАКЕДОНИЈА може да се најдат на следниот линк.

Закони и правилници

Закон за енергетска ефикасност

Правилник за означување на потрошувачката на енергија и другите ресурси за производите што користат енергија

Подзаконски акти од областа на енергетска ефикасност:

Други документи:

Список на лиценци за вршење на енергетска контрола со важност до 31.05.20201 година

Список на зградите со вкупна корисна подна површина над 250 m2 со податоци за минималните барања за енергетски карактеристики, кои се во сопственост и се користат од страна на лицата од јавниот сектор

Регистар на издадени, одземени, продолжени и признаени овластувања за енергетски контролори, како и овластувања кои престанале да важат

Листа на лиценцирани правни субјекти за вршење на енергетска контрола

Договор за Енергетска заедница

Енергетската заедница е формирана со Договорот за основање на Енергетска Заедница кој е потпишан на 25 октомври 2005 година од страна на земјите од Југоисточна Европа (Албанија, Бугарија, Босна и Херцеговина, Романија, Србија, Хрватска, Црна Гора, УНМИК – Косово и Република Македонија) и Европската Комисија.

Република Македонија го ратификуваше Договорот во мај 2006 година, а истиот стапи на сила на 1 јули 2006 година во сите земји потписнички.

Со Договорот за Енергетска Заедница се создава пазар на електрична енергија и природен гас во Југоисточна Европа и воедно се обезбедува стабилна регулаторна и пазарна рамка за привлекување на инвестиции во енергетскиот сектор во регионот и се обезбедува сигурно и доверливо снабдување со електрична енергија и природен гас, што е особено значајно за економскиот развој и социјалната стабилност во земјите на Југоисточна Европа. Исто така, на земјите потписнички (договорни страни) им се овозможува рамноправно учество на внатрешниот пазар на електрична енергија на ЕУ, вклучувајќи и пристап до фондовите на ЕУ и меѓународните финансиски институции за финансирање на проекти од областа на енергетиката.

Повеќе за Договорот за енергетска заедница (Energy Community Treaty)

ЗАКОН ЗА РАТИФИКАЦИЈА НА ДОГОВОРОТ ЗА ОСНОВАЊЕ НА ЕНЕРГЕТСКАТА ЗАЕДНИЦА (Службен В. на Р.М. бр: 59/2006 од 11.05.2006. Влегува во сила на: 19.05.2006)

Надлежни институции и надлежности на национално ниво

Во однос на енергетската ефикасност во секторот домување согласно законот за енергетика надлежности имаат следните институции:

Министерство за економија, Сектор за енергетика, Одделение за енергетска ефикасност 

Министерство за транспорт и врски, Сектор за станбено – комунални работи и инфраструктура – Одделение за станбени работи, Одделение за комунални работи и инфраструктура, Одделение за имплементација на проекти 

Агенција за енергетика 

Локална самоуправа односно општините

Регулаторна комисија за домување

Поврзани објави

Поврзани објави
Оваа веб страница користи колачиња за да го подобри вашето искуство. Ако продолжите да ја користите оваа страница, потребно е да се согласувате со тоа. Услови за користење